Avrostat tərəfindən dərc edilən yeni əhali proqnozlarına görə, Avropa Birliyi (AB) demoqrafik daralma dövrünə qədəm qoyur. Hesablamalar göstərir ki, AB əhalisi 2100-cü ilə qədər 11,7 faiz azalacaq və təxminən 53 milyon insan itirəcək.
Elchi.az xəbər verir ki, əhali artımının dərhal dayanacağı gözlənilmir; AB əhalisinin 2029-cu ildə 453 milyonluq zirvəsinə çatacağı proqnozlaşdırılır.
Lakin, həmin tarixdən başlayaraq uzunmüddətli azalma ilə ümumi əhalinin əsrin sonuna qədər 400 milyondan aşağı düşəcəyi təxmin edilir.
Gənc əhali azalır, yaşlı əhali ikiqat artır
Demoqrafik dəyişiklik yalnız ədədi azalma ilə məhdudlaşmayacaq, həm də əhalinin strukturunu kökündən dəyişdirəcək:
Gənclərin və məhsuldar yaşda olan fərdlərin sayı sürətlə azalacaq.
80 və daha yuxarı yaşda olan fərdlərin ümumi əhalidə payının ikiqatdan çox olacağı gözlənilir.
Əsas səbəb kimi göstərilən doğum nisbəti qadın başına təxminən 1,3 doğuşa düşüb. Bu nisbət əhalinin dəyişdirilməsi üçün tələb olunan həddən xeyli aşağı olaraq qalır.
Şayəstə
