Keniya məhkəməsi Çinli sərnişini çamadanında canlı qarışqaları ölkədən qaçaqmalçılıq yolu ilə çıxarmağa cəhd etdiyinə görə 1 milyon şillinq (təxminən 7750 dollar) cərimə və 12 ay həbs cəzasına məhkum etdi.
Elchi.az xəbər verir ki, keçən ay Nayrobi şəhərinin əsas beynəlxalq hava limanında tutulan Zhang Kequnun baqajında plastik qablarda 2200-dən çox canlı bağ qarışqasının gizlədildiyi aşkar edildi.
Əvvəlcə ittihamları rədd edən Zhang daha sonra cinayətini etiraf etdi.
“Cəza tədbirləri zəruridir”
İşə sədrlik edən hakim İrene Gichobi son zamanlar qarışqa qaçaqmalçılığı hallarının artmasına diqqət çəkdi.
Gichobi çoxlu miqdarda qarışqa toplamağın ekoloji tarazlığa mənfi təsirini vurğuladı və bu cür cinayətlərin qarşısını almaq üçün cazibə tədbirlərinin zəruri olduğunu bildirdi.
Qarışqaların, xüsusən də Çin kimi ölkələrdə qarışqa koloniyalarının sosial strukturlarını öyrənmək istəyən həvəskarlar tərəfindən yüksək məbləğə alındığı bildirilir.
Biopiratçılıqda yeni yol: Kiçik növlər
Vəhşi təbiət mütəxəssisləri xatırladıblar ki, ötən il Keniyada oxşar bir işdə dörd nəfərə ağır cərimələr tətbiq edilib.
Mütəxəssislərin fikrincə, bu, biopiratçılığın fil sümüyü kimi tanınmış məhsullardan ekosistem üçün vacib olan, lakin daha az diqqət çəkən daha kiçik növlərə keçdiyini göstərir. Qarışqaları təmin etməkdə ittiham olunan Keniyalı şübhəlinin işi davam edir. Zhang-ın vəkili qərardan apelyasiya şikayəti verəcəklərini açıqlayıb.
Şayəstə
