ABŞ prezidenti Donald Tramp aprelin sonuna qədər İranla razılaşmanı istisna etmir.
Elchi.az xəbər verir ki, Amerika lideri “Sky News” telekanalına müsahibəsində Böyük Britaniya kralı III Çarlzın aprelin 27-də başlaması planlaşdırılan ABŞ-a dövlət səfərindən əvvəl İranla razılaşmanın mümkün olub-olmaması ilə bağlı sualı cavablandırarkən deyib:
“Bu, mümkündür. Bu, olduqca mümkündür. Onlar olduqca pis döyülüblər”.
Aprelin 11-də İran və ABŞ İslamabadda danışıqların bir neçə raundu keçirib. İran nümayəndə heyətinə parlamentin spikeri Məhəmməd Bağer Qalibaf, Amerika nümayəndə heyətinə isə vitse-prezident J.D.Vens rəhbərlik edib. Sonradan Tehran və Vaşinqtonda xəbər verildiyi kimi, tərəflər bir sıra fikir ayrılıqlarına görə münaqişənin uzunmüddətli nizamlanmasına dair razılığa gələ bilməyiblər. Danışıqların mümkün yeni raundunun təfərrüatları məlum deyil.
Yeganə
