ABŞ və İsrailin 28 Fevralda başlatdığı müharibə, İran və Livandakı strateji hədəflərə endirilən zərbələrlə son 24 saatın ən kritik mərhələsinə çatdı. Bir çox İran şəhərlərində, xüsusən də Tehranda ağır dağıntılar baş versə də, bölgədəki münaqişə qlobal enerji böhranını ən yüksək səviyyəyə çatdırdı.
Elchi.az xəbər verir ki, İsrail ordusunun İrana qarşı başlatdığı “genişmiqyaslı” hava hücumlarında Tehran, Kərəc, Urmiya və Bəndər Abbas hədəfə alındı.
Tehranda şiddətli partlayışlar baş verdi və Xorrəmabad şəhərində bir uşağın öldüyü açıqlandı.
Bəndər Abbas və Urmiya şəhərlərindən itki və ağır ziyan barədə məlumatlar gəlməyə davam edir.
Kərəcdə strateji nöqtələrdə böyük yanğınlar müşahidə edildi.
Bu hücumlara cavab olaraq, İran ABŞ bazalarının yerləşdiyi Qətər, BƏƏ və Bəhreyndəki hədəfləri raketlərlə vurdu.
Səudiyyə Ərəbistanı Ər-Riyada doğru gedən ballistik raketi tutduğunu açıqladı, BƏƏ-nin paytaxtı Əbu-Dabiyə düşən raketin qalıqları isə bir mülki şəxsi yaraladı.
Şayəstə
