Venesuelanın müvəqqəti prezidenti Delsi Rodrigez ABŞ-ı “tərəfdaş və dost” adlandıraraq, illərdir ölkəsinə tətbiq edilən bütün sanksiyaların və blokadaların dərhal ləğvini tələb etdi.
Elchi.az xəbər verir ki, Paytaxt Karakasdakı Tereza Karreno Teatrında gənc fəallarla keçirilən tədbirdə çıxış edən Rodrigez ABŞ prezidenti Donald Trampa müraciət etdi.
Rodrigez dedi: “Prezident Tramp, bir dost və tərəfdaş olaraq, ABŞ ilə yeni əməkdaşlıq gündəliyini başlatdığımız bir vaxtda, ölkəmizə qarşı bütün sanksiyalara və blokadalara dərhal son qoyun, çünki bu blokada həm də Venesuela gənclərinə qarşıdır.”
Trampa Venesuela ilə bağlı xoş sözlərinə görə təşəkkür edən Rodrigez dedi: “Venesuela heç vaxt ABŞ-ı və ya dünyanın heç bir ölkəsini təhdid edən bir ölkə olmayıb. Biz həmişə ABŞ ilə dostluq və əməkdaşlığa əsaslanan geosiyasi anlaşmanın tərəfdarı olmuşuq.”
Rodrigez, prezident Nikolas Maduro və həyat yoldaşı Cilia Floresin 3 yanvarda ABŞ tərəfindən saxlanılmasına toxunaraq dedi: “Bu ilə 3 yanvarda pis başladıq.”
Bu arada, Maduronun oğlu Nikolas Maduro Gerranın da Rodrigesə müşayiət etdiyi bildirilib.
Şayəstə
