Bild: Almaniya Xarici İşlər Nazirliyi iki casusluqda şübhəli bilinən şəxsin saxlanılmasından sonra Rusiya səfirini çağırıb.
Elchi.az xəbər verir ki, Almaniya Xarici İşlər Nazirliyi Rusiya səfiri Sergey Neçaevi casus qalmaqalına görə çağırıb. Bu barədə Almaniyanın “Bild” qəzeti məlumat yayıb.
Nəşrin məlumatına görə, Almaniyanın xarici işlər naziri Annalena Bärbok Bavariyada Rusiya kəşfiyyatı ilə əməkdaşlıqda şübhəli bilinən iki şəxs saxlanıldıqdan sonra Rusiya diplomatik nümayəndəsini çağırmaq qərarına gəlib.
Der Spiegel jurnalının yazdığı kimi, casusluq etdiyi iddia edilən şəxslər aprelin 17-də səhər Bayreutda saxlanılıb. Əsas şübhəli Bavariyadan olan 39 yaşlı Diter S.-dir. Federal prokurorlar onu başqa şeylərlə yanaşı, Məxfi Xidmət agenti kimi işləməkdə, təxribat hazırlamaqda və hərbi obyektlərdə casusluqda ittiham edirlər. Ehtimallara görə, o, 2023-cü ilin oktyabrından Rusiya kəşfiyyat xidmətləri ilə əməkdaşlıq edir.
O, hərbi infrastrukturda, silah zavodlarında və sənaye obyektlərində yanğın və partlayışlar törətməyə razılaşıb.
37 yaşlı alman əsilli rus Aleksandr J.-nin Diterlə işlədiyi iddia edilir.
Şayəstə Hüseynova
Son şərhlər