ABŞ-ın keçmiş prezidenti və noyabrın 5-də keçiriləcək prezident seçkilərinə namizəd Donald Tramp öz rəsmi internet səhifəsində uğur və güc qoxuyan ətir, pijama və it oyuncaqları kimi məhsulları satmağa başlayıb.
Elchi.az xəbər verir ki, aktyorluqdan tutmuş ABŞ prezidentliyinə qədər bir çox sahədə özünü göstərən Trampın öz adını daşıyan markası “Trumpstore.com” internet saytında müxtəlif kateqoriyalarda məhsullar təqdim edərək təəccübləndirməyə davam edir.
Saytda satışa “uğur və güc qoxuyan” ətirlərdən tutmuş pijama, qolf çantaları, it oyuncaqları, dodaq balzamları və idman ayaqqabılarına qədər geniş çeşiddə məhsullar təklif olunur.
“Victory 45” məhsul seriyasının bir hissəsi olan və “uğur və güc” qoxusu verdiyi iddia edilən ətirdə Trampın qızıl büstü var. Ətirin qiyməti 99 dollardır. Seriyanın digər məhsulu olan qızılı rəngli və ABŞ bayrağı naxışlı 399 dollarlıq idman ayaqqabısı həm görünüşü, həm də çox yüksək qiyməti ilə diqqət çəkir.
MSNBC-də yayımlanan “All In With Chris Hayes” proqramının aparıcısı Hayes “Donald Trampa təcili pul lazımdır” şərhindən sonra kolleksiyasındakı məhsulları göstərərək Trampı ələ salıb.
Trampın son vaxtlar yüksək miqdarda qanuni xərclərinə görə “pulunun tükəndiyini” ifadə edən Hayes, Trampın məhsullarının satışlarının əhəmiyyətli dərəcədə artdığına diqqət çəkib.
Tramp özünün 59,99 dollar dəyərində olan “Allah ABŞ-ı qorusun” İncillərini təqdim etdikdən sonra bir çox sosial media istifadəçisi keçmiş prezidentin əvvəllər İncil haqqında danışdığı videolardan kliplər toplayaraq, onun bu mövzuda “cahilliyini” ələ salıb.
Şayəstə Hüseynova
Son şərhlər