O, bir daha Qərb müttəfiqlərini Ukrayna Silahlı Qüvvələrinə kifayət qədər dəstək verməməkdə ittiham edib.
Elchi.az xəbər verir ki, Ukrayna prezidenti Vladimir Zelenski ABŞ-ın keçmiş prezidenti Donald Trampı döyüş meydanındakı real vəziyyəti göstərmək üçün onunla birlikdə cəbhə xəttinə getməyə dəvət etdiyini bildirib.
Zelenski Münhen Təhlükəsizlik Konfransında deyib: “Mən Trampı açıq şəkildə dəvət etdim… amma bu, onun istəklərindən asılıdır… Tramp gəlsə, mən onunla hətta cəbhə xəttinə belə getməyə hazıram”.
Həmçinin Münhendəki çıxışında Zelenski Rusiya artilleriyasının üstünlüyündən şikayətlənib. Onun sözlərinə görə, bu münaqişə ümumilikdə ədalətsizdir, çünki Ukrayna Silahlı Qüvvələri uzaq mənzilli döyüş sistemlərinə qarşı vuruşur.
Onun fikrincə, Qərb müttəfiqləri Ukraynanı silah, xüsusən də artilleriya və uzaq mənzilli mərmi baxımından “süni qıtlıqda” saxlayırlar.
“Bizim hərəkətlərimiz yalnız gücümüzün kifayət qədər və əhatə dairəsi ilə məhdudlaşır, lakin bu, bizdən asılı deyil.” – Zelenski deyib.
Şayəstə Hüseynova
Son şərhlər