Rumıniya prezidenti Klaus İohannis Avropa İttifaqı (Aİ) Şurasının sədri vəzifəsi uğrunda mübarizə aparmaq niyyətindədir. Çünki hazırkı prezident Şarl Mişel iyunda bu vəzifəni tərk edəcək.
Elchi.az bu barədə Bloomberg.com-a istinadən xəbər verir.
İohannisin prezidentlik müddəti 2024-cü ildə başa çatır. Onun ikinci müddətə namizəd olmaq fikri yoxdur. Lakin Ursula fon der Leyen Avropa Komissiyasının sədri olaraq qalsa, onun Avropa İttifaqı Şurasının prezidenti olmaq şansı azala bilər. Çünki onlar eyni Avropa Xalq Partiyasını təmsil edirlər.
Xatırladaq ki, bundan əvvəl “Politico” qəzeti yazıb ki, Mişelin Avropa Parlamentinə seçkilərdə iştirak etmək üçün Avropa İttifaqı Şurasının sədri vəzifəsini vaxtından əvvəl tərk etməsi həmin strukturun sədrliyini Macarıstanın baş naziri Viktor Orbana verə bilər. Çünki Macarıstan bu prosesə rəhbərlik edəcək. Kütləvi informasiya vasitələri də İtaliyanın keçmiş baş naziri Mario Draqi və Lüksemburqun baş naziri Ksavye Betelin Avropa İttifaqı Şurasının sədrliyinə namizədlər hesab edildiyini yazıblar.
Yeganə
Son şərhlər