Rusiyasız bunun mənası yoxdur – Slutski

Qərbin antirusiya konsepsiyasını cənub ölkələrinə tətbiq etmək cəhdi uğursuzluqla nəticələnib.
Elchi.az xəbər verir ki, bunu Rusiya Dövlət Dumasının Beynəlxalq Əlaqələr Komitəsinin rəhbəri Leonid Slutski Ciddədə keçirilən Ukrayna sammiti ilə bağlı danışarkən bildirib.
“Ciddədəki görüş əslində nizamlanmaya yanaşmaların inkişaf etdirilməsi baxımından heç bir nəticə vermədi və simvolik olaraq yekun kommünike olmadan başa çatdı”, – Slutski vurğulayıb.
O, həmçinin qeyd edib ki, Rusiya danışıqlara dəvət edilməyib:
“Moskvanın vasitəçilik səylərini yüksək qiymətləndirdiyi BRİKS-də olanlar da daxil olmaqla, bir sıra tərəfdaşlarımız da məsləhətləşmələrdə iştirak ediblər. Biz böhrandan diplomatik çıxış yollarının müzakirəsinə açığıq. Vaşinqtonun palataları haqqında bunu demək olmaz. Baxmayaraq ki, mən yenə də bir mühüm nəticəni qeyd edəcəm: Rusiyasız və onun maraqlarını nəzərə almadan belə görüşlərin perspektivi və mənası yoxdur. Ciddə sammit bunu yaxşı göstərdi”.
Qeyd edək ki, avqustun 5-6-da Səudiyyə Ərəbistanının Ciddə şəhərində 42 ölkənin milli təhlükəsizlik və xarici siyasət üzrə müşavirlərinin iştirakı ilə Ukraynadakı müharibə ilə bağlı sammit keçirilib.