Rusiyanın xarici işlər naziri Sergey Lavrov Ukraynada həll edilməli olan məsələlərdə Rusiyanın mövqeyinin dəyişmədiyini bildirib. Lavrov Rusiya mətbuatına gündəmlə bağlı qiymətləndirmələr edib.
Elchi.az xəbər verir ki, sülh təşəbbüslərinin uğursuzluğunda Ukraynanı günahlandıran Lavrov bildirib ki, Kiyev administrasiyası istənilən sülh təşəbbüsünü birbaşa rədd edir.
O, həmçinin bəyan edib ki, Ukrayna böhranının həlli ilə bağlı danışıqların iyulda aparılacağı barədə məlumatlar etibarsızdır.
Lavrov Rusiyanın Ukraynada həll edilməli olan məsələlərlə bağlı mövqeyinin dəyişmədiyini vurğulayıb.
Qərbin hərəkətləri ilə Rusiya üçün ekzistensial təhlükə yaratdığına diqqət çəkən Lavrov, “Rusiya əlində olan bütün qaynaqlardan istifadə edərək özünü müdafiə edəcək” dedi.
Şayəstə Hüseynova
Son şərhlər