ABŞ Müdafiə Nazirliyi (Pentaqon) Ukraynaya tədarük ediləcək 31 ədəd M1 Abrams tankının cəbhəyə göndərilmədən əvvəl Ukrayna əsgərlərinin təlimlərində istifadə edilmək üçün Almaniyanın Grafenwoehr şəhərinə göndərildiyini açıqlayıb.
Elchi.az xəbər verir ki, Pentaqonun mətbuat katibi briqada generalı Patrik Rayder bildirib ki, əvvəllər hazırlanmış tanklar Qrafenvuhr şəhərinə çatıb və yaxın həftələrdə texniki qulluqçular və tank personalı Almaniyaya gələcək və təlim alacaq.
“Ukraynalı ekipaj və texniki qulluqçular üçün bu hərtərəfli təlim proqramı onları M1 tankından səmərəli istifadə və Ukrayna xalqının müdafiəsində mühüm rola hazırlamaq məqsədi daşıyır”, – Rayder bildirib.
ABŞ yanvar ayında qabaqcıl zireh və silahlarla təchiz olunmuş tankları tədarük edəcəyini açıqlamışdı.
Əvvəlcə ABŞ Ukraynaya Təhlükəsizliyə Yardım Təşəbbüsünün vəsaiti hesabına Ukraynaya göndərilmək üçün yeni M1A2 Abrams tankları almağı planlaşdırırdı.
Lakin Müdafiə Nazirliyi çatdırılma prosesini sürətləndirmək və onları Ukraynaya vermək üçün mart ayında ABŞ inventarında olan M1A1 Abrams tanklarının yenilənməsinə qərar verib.
ABŞ administrasiyası hesab edir ki, bu tanklar ən geci payıza qədər Ukraynada cəbhədə ola bilər.
Nuranə Məmmədova
Son şərhlər