Elchi.az xəbər verir ki,Rusiya Xarici İşlər Nazirliyi Norveçin Moskvadakı səfirliyində çalışan 10 diplomatın “persona non qrata” elan edilməsinə qərar verdiyini açıqlayıb.
Nazirlikdən verilən açıqlamada Norveçin 15 rus diplomatını “persona non qrata” elan etmək qərarına gəldiyi xatırladılıb.
Sözügedən qərarın “düşmən” addımı olduğu və ikitərəfli münasibətləri çətinləşdirdiyi vurğulanan bəyanatda Norveçin Moskvadakı səfiri Robert Kvilenin nazirliyə çağırıldığı bildirilib.
Bəyanatda qeyd olunub:
“Cavab olaraq Kvileyə Norveçin Moskvadakı səfirliyinin və müdafiə attaşesinin 10 nümayəndəsinin “persona non qrata“ elan edildiyi barədə nota təqdim edilib. Səfirə məlumat verilib ki, digər tədbirlər, o cümlədən Norveçin diplomatik nümayəndəliklərində Rusiya vətəndaşlarının işlə təmin olunmasına məhdudiyyətlər tətbiq edilib. Oslonun dostca olmayan hərəkətləri ilə əlaqədar tədbirlər alınacağı bildirildi.
Nuranə Məmmədova
Son şərhlər