Rusiya Müdafiə Nazirliyi Belarus əsgərlərinə verilən “İskəndər-M” yüksək dəqiqlikli raket sistemləri üzrə təlimlərin davam etdiyini açıqlayıb.
Elchi.az xəbər verir ki,Rusiya Müdafiə Nazirliyindən verilən açıqlamada, Rusiyanın Cənub Hərbi Dairəsinə aid poliqonda, Belarusiya əsgərlərinə “İskəndər-M” yüksək dəqiqlikli raket sistemlərinin istifadəsi üzrə təlimin keçirilməsi bildirilib.
Açıqlamada raket sisteminin yerləşdirilməsi və raketlərin atılması ilə bağlı bacarıqların inkişaf etdirildiyi bildirilib.
Rusiyanın müdafiə naziri Sergey Şoyqu aprelin 4-də verdiyi açıqlamada “İsgəndər-M” yüksək dəqiqlikli raket sistemlərinin Belarus Silahlı Qüvvələrinə təhvil verildiyini bildirərək, “Bu sistem nüvə tərkibli raketlərdən də istifadə edə bilər. Belarus qüvvələrinə aprelin 3-də bir Rusiya poliqonunda bu sistemin istifadəsinə dair təlim verilməyə başlandı” ifadələrini istifadə etmişdi.
Putin: Rusiya Belarus ərazisində taktiki nüvə silahı yerləşdirəcək
Rusiya prezidenti Vladimir Putin keçən ay Belarusda taktiki nüvə silahı yerləşdirəcəklərini bildirmişdi.
Putin əvvəllər Belarusa təhvil verdikləri “İsgəndər” yüksək dəqiqlikli raket sistemlərinin yuxarıda qeyd olunan silahla təchiz ediləcəyini bəyan edib.
Nuranə Məmmədova
Son şərhlər