Avstraliya təhlükəsizlik baxımından Çin sosial media platforması TikTok-un federal hökumət cihazlarında istifadəsini qadağan edən “Beş Göz” kimi tanınan elektron kəşfiyyat alyansının sonuncu üzvü olub.
Elchi.az xəbər verir ki, qərar “Beş Göz” üzvləri olan ABŞ, Kanada, İngiltərə və Yeni Zelandiyanın qadağalarla bağlı oxşar addımlar atmasından sonra verilib.
Baş prokuror Mark Dreyfus verdiyi açıqlamada, kəşfiyyat və təhlükəsizlik agentliklərinin məsləhəti əsasında bu qadağanın “mümkün qədər tez” qüvvəyə minəcəyini bildirib.
İlk dəfə 1946-cı ildə ABŞ və İngiltərə arasında imzalanmışdır; Kanada, Avstraliya və Yeni Zelandiyanın iştirakı ilə genişlənən UKUSA kimi tanınan “elektron kəşfiyyat” alyansı “Beş Göz” adlanır.
TikTok təhlükəsizlik və məxfilik baxımından gündəmdədir
TikTok, Çin tərəfdarı fikirləri yaymaq və istifadəçi məlumatlarına daxil olmaq üçün istifadə oluna biləcəyi təhlükəsizlik və məxfilik narahatlığına görə ciddi məhdudiyyətlərlə üzləşir.
Avropa İttifaqının (Aİ) icra orqanı olan Aİ Komissiyası təhlükəsizlik səbəbilə fevralın 23-də işçilərinə TikTok qadağası qoyub.
AB Komissiyası və Şurasından sonra AB qurumlarından biri olan Avropa Parlamenti Çin sosial media platforması TikTok-u işçilərinin təhlükəsizliyinə görə qadağan etdi.
Norveçdə ədliyyə naziri Emilie Enger Mehl hökumət tərəfindən ayrılmış telefonuna TikTok proqramını quraşdırdığını bildirmədiyi üçün üzr istəməli olub.
Danimarka Müdafiə Nazirliyi kibertəhlükəsizlik tədbirləri çərçivəsində əməkdaşlarına Çin sosial media platforması TikTok-dan rəsmi xidmətlərdə istifadə edilən cihazlarda istifadə etməyi qadağan edib.
Hindistan, həmçinin 2020-ci ildə TikTok və mesajlaşma proqramı WeChat daxil olmaqla bir çox Çin tətbiqinin istifadəsini məxfilik və təhlükəsizlik baxımından qadağan edib.
Şayəstə
Son şərhlər