Rusiya qüvvələri Ukraynanın şimal-şərqində və cənubunda davam edən itkilər fonunda bir istiqamətdə uğurlarını şişirdir.
Elchi.az xəbər verir ki, bu barədə ABŞ Müharibənin Öyrənilməsi İnstitutu (ISW) hesabat yayıb.
“Rusiya qoşunları cəbhə xəttinin Baxmut istiqamətində böyük itki verərək yavaş templə məhdud nailiyyətlər əldə edib. Qərb ekspertlərinin fikrincə, Kremlin uğur əldə etməsiylə bağlı təbliğat xarakterli iddiaları, çox güman ki, əsgərlər arasında əhval-ruhiyyəni yüksəltmək məqsədi daşıyır.
Baxmut yaxınlığındakı vəziyyətin bu aspektdə işıqlandırılması Donbasda qələbə məsuliyyətini öz üzərinə götürən “Vaqner” PMC-nin rəhbəri Yevgeni Priqojin üçün faydalıdır.
Oktyabrın 23-də Y.Priqojin vaqnerçilərin orada gündə 100-200 metr irəlilədiyini bildirmiş, absurd şəkildə iddia etmişdi ki, bu, müasir irəliləyişlər üçün normal tempdir”, – məlumatda deyilir.
Son şərhlər