Təhsil ekspertindən Nazirliyə SUAL: “Milyonlarla vəsaiti niyə bu portalın yaradılmsına sərf ediblər?”

“Bildiyiniz kimi, Elm və Təhsil Nazirliyinin vətəndaşlar üçün rəsmi müraciət platforması “portal.edu.az”dır. Bu saytın məqsədi odur ki, vətəndaşlar kağız üzərində müraciətdən daha sürətlisini buradan etsinlər”.

Elchi.az xəbər verir ki, bunu təhsil üzrə ekspert Kamran Əsədov FB hesabında qeyd edib:

“Biz də, Elm və Təhsil Nazirliyinə portal vasitəsi ilə rəsmi müraciət etdik.
Onların cavablarını isə siz paylaşımda görürsünüz. Mən belə başa düşdüm ki, bu cavabı yazan yuxulu olub, ya da başa düşməyib ki, rəsmi dövlət qurumunun cavabını yazıb.
Cavab əlbətdə ki, gülüncdür. Rəsmi quruma müraciət əgər elektron qaydada qəbul edilmirsə, onda milyonlarla vəsaiti niyə bu portalın yaradılmsına sərf ediblər?
Vətəndaşların müraciətlərinə baxılması qaydalarına görə rəsmi portala göndərilmiş müraciətlər hüquqi sənəd hesab olunur və ona rəsmi, dolğun cavab verilməli, vətəndaşın problemi həll olunmalıdır.
Müvafiq quruma problemin həlli üçün 8 ərizə ilə müraciət olunsa da, ancaq vətəndaş yola verilib”.

Yeganə