Əfqanıstanın şimalında dörd rusiyalı turistin olduğu nəqliyyat vasitəsinin motosikletçi ilə toqquşması nəticəsində motosikletçi həlak olub, rusiyalılar isə hadisənin təfərrüatlarını aydınlaşdırmaq üçün saxlanılıb.
Elchi.az xəbər verir ki, bu barədə “Khaama Press” agentliyi məlumat yayıb.
Məlumata görə, qəza çərşənbə günü Bədəxşan vilayətindəki Kəşmir – Feyzabad magistral yolunda baş verib. Əfqanıstanın təhlükəsizlik qüvvələri dindirilmək üçün Rusiyanın turist karvanından olan üç kişi və bir qadını, habelə iki tərcüməçini saxlayıblar.
Yol-nəqliyyat hadisəsinin səbəbləri açıqlanmır, hazırda hüquq-mühafizə orqanları həlak olan motosikletçinin şəxsiyyətini müəyyənləşdirir.
Məryəm
