“Bu gün Rusiya XİN bildirib ki, əgər Türkiyə SƏT-ə üzv olmaq istəyirsə, NATO-dan imtina etməlidir. Əslində maraqlı, bir o qədər də çətin sualdır. Türkiyə NATO-dan imtina edərmi? Ümumi mənzərə ondan ibarətdir ki, Türkiyə NATO-dan incikdir və başına gələn bəlaların bir çoxunun səbəbkarı məhz qərb “tərəfdarlarıdır”. Ancaq bu o demək deyil ki, Türkiyə belə asanlıqla bu hərbi alyansdan tamamilə uzaqlaşar. Bu gün Ərdoğan Nyu Yorkda bir sıra vacib şəxslərlə görüşdü. Görüşlərdən biri də Respublikaçıların ən nüfuzlu üzvlərindən biri, senator Lindsay Grahamla görüşdü. Graham da açıqlamasında bildirib ki, Türkiyə ilə fikir ayrılıqlarına rəğmən Türkiyə bizim üçün vacib tərəfdaşdır və Bayden admini F-16 ların Türkiyəyə tədarükü ilə bağlı addımlar atmalıdır”.
Elchi.az xəbər verir ki, bu barədə siyasi şərhçi Rusif Məmmədsoy FB hesabında qeyd edib:
“Bəli, Türkiyə nə qədər də regionda Rusiya ilə əməkdaşlıq içərisində olsa da, bir çox məsələlərdə maraqları üst-üstə düşsə də Türkiyə elə Qərb deməkdir. Rusiya da əslində bundan narahatdır. Rusiya açıq şəkildə deyir ki, balans saxlamayın, tərəfinizi seçin.
Bir şeyi anlamaq lazımdır ki, Türkiyə regionun açar ölkəsidir. Türkiyənin harda, kimin yanında olması olduqca vacibdir. Türkiyə daxildə ciddi problemlərlə üz-üzədir. Xüsusilə də iqtisadi vəziyyət ürəkaçan deyil. Bu vəziyyətin də əsas səbəbkarı məhz Qərbdir. Sadəcə iqtisadi deyil, hərbi müstəvidə də Türkiyəyə qarşı planlar var. Yunanıstan Türkiyəyə qarşı qaldırılır və Türkiyənin öz regionunda başının qatılmasına hesablanıb. Digər tərəf isə, Rusiya tərəfi isə Türkiyədə keçiriləcək növbəti seçkilərdə Ərdoğanı dəstəkləyir və yenidən seçilməsi üçün hər şeyi etməyə hazır görünür. Onu da qeyd edək ki, bu ilin sonuna qədər iki ölkə arasındakı ticarət dövriyyəsinin 60 milyard dollara çatması gözlənilir.
Amma və lakin yenə də bu qədər sadə deyil. Türkiyə üçün hazırkı situasiyada birmənalı şəkildə qarşı tərəfə keçməsi risksiz deyil. Türkiyə rəhbəri balanslı siyasətdə maraqlıdır. Eyni zamanda Rusiya ilə də əməkdaşlığın daxildəki vəziyyəti də düzəldəcəyinə ümid edir. Hər halda Rusiyanın sualının cavabsız qalacağına və ya suala tam cavab verilməyəcəyini düşünürəm. Vəziyyət elə bir yerə gəlib çatıb ki, Türkiyə uğrunda mübarizə başlayır. Türkiyənin harada olması çox vəcib və əhəmiyyətlidir”.
Yeganə
Son şərhlər