“Entoni Blinkenin vasitəçiliyi ilə Azərbaycan və Ermənistan xarici işlər nazirləri görüşəcək. Rusiya Ermənistan əlaqələrinin bundan sonra inkişaf etməsi mümkün deyil”.
Elchi.az xəbər verir ki, bu fikirləri MCP sədrinin müavini, politoloq Məhəmməd Əsədullazadə FB hesabında qeyd edib:
“Rusiya Ermənistana qaz və silah təchizatında ciddi problemlər yaradacaq. Ermənistanda anti-Rusiya siyasəti və bu ölkənin Moskvanın orbitindən uzaqlaşması daxili siyasi böhrana gətirməsi mümkündür.
Qeyd edim ki, Ermənistan Gürcüstandan fərqli olaraq bu ölkədə Rusiya güclü şəkildə dayaqlara malikdir. N. Paşinyanın Moskvadan uzaqlaşması və Vaşinqtonla əlaqələri inkişaf etdirməsi geopolitik qarşıdurma fonunda Yerevanın Azərbaycanla sülh müqaviləsinin bağlanmasını ləngidəcək.
ABŞ dövlət katibi Ermənistan və Azərbaycan arasında vasitəçilik etmək üçün Prezident İlham Əliyevə zəng etdi.
E.Blinkenin zəngi Ermənistanla mümkün atəşkəsi qoruyub saxlamaq və təmasları artırmaqdır. Artıq E. Blinkenin vasitəçiliyi ilə ABŞ -da üçtərəfli görüş keçiriləcək. Bu görüşdən ciddi nəticələr gözlənilmir. İlk növbədə Ermənistan Azərbaycanın şərtlərini yerinə yetirməlidir.
Bu görüşdə Ermənistan Azərbaycandan “öz ərazisindən” çıxmağı tələb edəcək. Halbuki Azərbaycan demarkasiya olunmamış ərazilərdə öz postlarını qurub. Ümumiyyətlə, ABŞ-ın bu vasitəçiliyini Rusiyanı proseslərdən uzaqlasdırmalıdır. Amma, bu, mümkün deyil”.
Yeganə
Son şərhlər