İstanbulda imzalanan “Taxıl müqaviləsi” çərçivəsində Ukrayna limanından yola çıxan ilk gəmi əvvəlcədən planlaşdırıldığı tarixdə, avqustun 7-də Livana çatmayıb.
Elchi.az xəbər verir ki, bu barədə Ukraynanın Livandakı səfirliyi məlumat yayıb.
Syerra Leone bayrağı altında üzən “Razoni” yük gəmisi avqustun 1-də 26,5 min ton qarğıdalı ilə Odessadan yola düşüb. Livanın nəqliyyat naziri Əli Hamiya gəminin statusunu dəyişdiyini bildirib.
Ukraynanın Livandakı səfirliyindən “Reuters” agentliyinə bildiriblər ki, gəmi gecikib və bu gün Livana çatmayacaq. Səfirlik gəminin nə vaxt çatacağı və gecikmənin səbəbi ilə bağlı məlumat verməyib. Açıq mənbələr “Razoni”nin avqustun 7-də səhər saatlarında Türkiyə sahillərində olduğunu göstərir.
“Razoni2 iyulun 22-də İstanbulda əldə olunan razılaşmaların icrası çərçivəsində toyuqlar üçün yem kimi istifadə olunacaq qarğıdalı daşıyır.
Son şərhlər