Azərbaycanda fəaliyyət göstərən diplomatik nümayəndəliklərin rəhbərləri və onların xanımlarının Qazax və Tovuz rayonlarına tanışlıq səfərləri başlayıb.
Bu barədə Xarici İşlər Nazirliyinin Mətbuat xidmətindən məlumat verilib.
Səfəri XİN təşkil edib. Məqsəd ölkəmizin regionlarının inkişafı və bu xüsusda, bölgələrdə həyata keçirilən sosial və iqtisadi layihələr, habelə turizmin inkişafı ilə yerində tanış olmaqdır.
Səfər çərçivəsində diplomatlar Qazax rayonunda “Damcılı” mağarası, Qazax Sement Zavodu, Şəhidlər xiyabanı, Qazax Müəllimlər Seminariyası və Tarixi Cümə Məscidi, “Saloğlu” mebel fabriki, eləcə də Ədəbiyyat Muzeyi və Tarix Diyarşünaslıq Muzeyi ilə tanış olacaqlar.
Eyni zamanda, diplomatlar Tovuz rayonunda Heydər Əliyev adına mədəniyyət və istirahət parkı, “Göytəpə” qədim yaşayış məskəni və “Tovuz Baltiya LTD” konyak klubu ilə tanış olacaqlar.
Səfər mayın 1-də başa çatacaq.
Azərbaycan Prezidenti: Bundan sonrakı illərdə Böyük Qayıdış daha da sürətlə gedəcək
Qarabağ və Şərqi Zəngəzurda 96 min insan yaşayır, çalışır, təhsil alır. Elchi.az xəbər verir ki, bu barədə Prezident İlham Əliyev Yeni...
Son şərhlər