Mən alış-verişi iri marketlərdən edirəm. Deyərdim ki, ən çox getdiyim market “Bizim market”dir. İki gün bundan əvvəl yolumu 8-ci kilometrdəkli maşın bazarının yanında, Babək prospekti ev 52 C-də yerləşən adı çəkilən marketə getdim. İstər bazar olsun, istərsə də marketlər, ilk növbədə hər tərəfi gəzir, mallara nəzər yetirir, keyfiyyətlə, qiymətlə maraqlanıram. Bu, məndə, necə deyərlər, vərdiş halını almışdır. Bundan sonra lazım olanları götürür, haqq-hesab üçün kassaya yaxınlaşıram.
Bu dəfə də belə oldu. “Monini” adlı 750 qramlıq zeytun yağını almaq istədim. Əvəlcə qiyməti ilə maraqlandım. Bütün zeytun yağlarının giyməti bəlli olsa da həmin butulkanın alıtlnda onun qiyməti yazılmış kağız parçası yox idi. Həmin mallara baxan nəzarətçi ilə maraqlandım. Çox keçmədi nəzarətçi qız gəldı. Yağın qiyməti ilə martaqlandığımı bildirəndə butulkanı götürüb getdi. Bir dəqiqə keçməmış qayıdıb gəldi. Onun qiymətinin 15,96 manat olduğunu dedi.
Ondan bir neçə metr aralıda qoyulmuş eyni adlı, eyni miqdarda olan yağın qiymətini görəndə təəccübləndim. Yazılıb qoyulmuş kağız parçasındakı rəqəmlərdən aydın oldu ki, yağın qiyməti 13,57 manatdır. Bunu bildirəndə bir də baxdım ki, qız yanımda yoxdur. Çox keçməmış cavan bir oğlan gəlib özünü təqdim etmədən baş verən problemlə maraqlandı. Həmin adamın boynundan asılmış emblemə baxanda onun müdir müavini olduğunu bildim. Nə üçün eyni adda, eyni miqdarda və bir ölkədə istehsal olunmuş zeytun yağının müxtəlif qiymətlərdə satıldığı ilə maraqlandığımı bildirəndə:
-Burda nə qəbahət var, -dedi. –İndi öyrənərik, hər şey aydın olar.
Müdir müavini yağla dolu butulkanı götürüb apardı. Heç bir dəqiqə keçməmiş geri qayıdıb:
-İkisinin də qiymıti eynidir, -deyə məlumat verməyə başladı. – Sadəcə qiyməti dəyişib yapışdırmaq yaddan şıxıb.
Bura gələn vətəndaşları aldadıb pul qazanmaq üçün bu marketin bir fırıldağı olduğunui bildirəndə xəcalət çəkib utanmaq əvəzinə:
-Vətəndaşların adından danışmaq nəyə lazımdırr,-dedi.
-Mən jurnalistəm,vətəndaşların adından danışmağa haqqım var deyə bildirdim.
Söz yox ki, həmin yağdan bir butulka aldım. Fikir verin, bu yağın bir putulkasının əsil qiyməti 15,96 manatdır. Alıcıları şirnikləndirmək üçün 13,57 manat yazıb butulkanın altına qoyublar. Alıcılar da qiymətin nisbətən münasib olduğunu görüb həmin yağdan alır. Qiymətdə isə ondan 15,96 manat çıxırlar. Bununla da həmin yağdan bir ədəd götürən alıcıdan market 2,39 manat çırpışdırır.
Hörmətli oxucular, bu məktubu yazmaya da bilərdim. Amma vicdanım yol vermədi. Ona görə də bu marketə yolu düşən alıcılara deyirəm: ayıq olun, fırıldaqçılara, xalqın cibinə girib varlalanlara aldanmayın, pulunuzun qədrini bilin.
Sərməst Seyidəliyev,
Veteran jurnalist.
Son şərhlər