Azərbaycan Xalq Cəbhəsi Partiyası (AXCP) sədri, “Cəbhəçilər” Təşəbbüs Qrupundan prezidentliyə namizəd Razi Nurullayevin seçkiqbağı təşviqat kampaniyası davam edir.
Elchi.az xəbər verir ki, bu gün Razi Nurullayev Qubaya səfər edib. Səfər çərçivəsində prezidentliyə namizəd Quba Soyqırımı Memorial Kompleksini ziyarət edib. “Dinindən və dilindən asılı olmayaraq hər kəs terroru ləntləməlidir. Mübarizələr sülh yolu ilə həll olunmalıdır. Ermənistan rəhbərliyi bu məzarlığa gəlib etdikləri hərəkətə görə Azərbaycan xalqından və bütün dünya ictimaiyyətindən üzr istəyəcəyinə inanıram”-Razi Nurullayev Quba Soyqırımı Memorial Kompleksində çıxışı zamanı deyib. Quba Soyqırımı Memorial Kompleksini ziyarət etdikdən sonra Razi Nurullayev Quba sakinləri ilə görüşüb. Seçicilərlə görüş Quba Mədəniyyət Evində keçirilib. Görüş Azərbaycan Respublikasının dövlət himninin səslənməsi ilə başlayıb. Soyqırım qurbanlarının xatirəsi 1 dəqiqəlik sükutla yad edilib. Ardınca Razi Nurullayevin tərcümeyi-halı haqqında qısa məlumat verilib. Daha sonra Razi Nurullayevin seçki platforması tədbir iştirakçılarının diqqətinə çatdırılıb. Razi Nurullayev çıxışında əsas məqsədinin xalqın rifah halının yüksəldiləməsi olduğunu deyib: “Əgər, mənə etimad göstərsəz bu platformanı həyat keçirəcəyik. Mənim davam kreslo davası deyil, xalqın rifah halının yüksəldilməsidir. Seçilmədiyim təqdirdə də, seçiləcək 8 namizəddən biri ilə platformamdakı müddəları müzakirə etməyə və ölkənin inkişafı və xalqın rifah halının yüksəldilməsi üçün bütün səylərimi göstərəcəm”. Ttədbirin gedişində Quba sakinlərinin problemləri dinlənilib və sualları cavablandırılıb.
Son şərhlər