Əgər üçüncü dünya müharibəsi olacaqsa, mütləq bu hadisədən sonra başlaya bilər. Türkiyədə yaxınlaşması görünən qanlı bir savaşın bütün dünyanı əhatə edəcəyi ehtimalı çoxdur.

Yuxarıdakı sitatlar Fransanın bütün qitədə məşhur olan “Le Monde” qəzetində yayımlanıb. Qəzetin analitiklər qrupu dünən Türkiyədə rus səfirin qətli ilə nəticələnən terror hadisəsi barədə geniş araşdırma yazısı ilə çıxış edib. Araşdırmada hadisənin hansı zərurətdən yaranma ehtimalları təsvir edilib. Həmçinin, son günlərdə əsas mövzu olan Türkiyə-Rusiya-İran yaxınlaşmasına da geniş yer verilib bu yaxınlaşmanın Türkiyəyə açacağı imkanlar da təhlil edilib.

Qeyd edək ki, dünən Türkiyədə silahlı hücuma məruz qalan Rusiyanın Türkiyədəki səfiri Andrey Karlov dünyasını dəyişib. Sərgi salonunda baş verən qətli törədən şəxs zərərsizləşdirilib. Bütün dünyanın siyasi gündəmini zəbt edən bu hadisə barədə müxtəlif ehtimallar irəli sürülür. Onlardan biri də Qərbin Türkiyə ilə Rusiyanın yaxınlaşmasına maneə törətmək üçün hazırlanan ssenari variantıdır.