2006-2010-cu illərdən fərqli olaraq son beş ildə Yaxın Şərqdə silah idxalı 61% artıb.

Axar.az xəbər verir ki, bu barədə informasiyanı Stokholm Sülh Problemlərinin Araşdırılması Beynəlxalq İnstitutu yayıb. Hesabata əsasən, son beş ildə regiona göndərilən silahların 27%-i Səudiyyə Ərəbistanının payına düşüb:

“Bu silahların 18%-i Birləşmiş Ərəb Əmirlikləri, 14%-i isə Türkiyəyə aid olub. Regiona ixrac edilən silahların 53%-i ABŞ-ın, 9,6%-i Böyük Britaniyanın, 8,2%-i Rusiyanın payına düşüb.  BMT-nin embarqoları sayəsində son beş ildə İranın silah idxalında çox aşağı nəticəsi qeydə alınıb. Bir sıra dövlətlərin Yəmənə müdaxiləsi 2015-ci ildə ərəb koalisiyasında olan ölkələrin silah idxalını artırmasına səbəb olub. Bu ölkələr sırasında Səudiyyə Ərəbistanı, Birləşmiş Ərəb Əmirlikləri, Qətər, Misir yer alıblar. Ər-Riyad 2006-2010-cu illə müqayisə öz idxalını 275% artırıb. Ölkə 150 hərbi təyyarə, 1000 ədəd “hava-torpaq” tipli raket, ABŞ istehsalı olan tank əleyhinə raketlər, Britaniya istehsalı olan 14 ədəd hərbi təyyarə, Kanada istehsalı olan çoxlu sayda zirehli texnika sifariş verib.

BƏƏ 2001-ci ildən bu yana silah idxalını aktiv şəkildə atırır. Son illər ərzində rəsmi Əbu-Dabi silah idxalını 35% artırıb. 2006-2010 və 2011-2015-ci illərdə isə Qətərin silah alışı 279%-i keçib. Qətərin aldığı silahlar sırasında 24 hərbi vertolyot, 9 raketdən müdafiə sistemi, ABŞ istehsalı olan 3 radiolokasiya sistemi, Fransa istehsalı olan 24 ədəd hərbi təyyarə, Almaniya istehsalı olan 52 ədəd tank var. Misirin silah idxalı isə son illər ərzində 37% artıb”.