İsveçrənin Vyurenlinqen şəhərində baş vermiş silahlı insidentin təfərrüatları məlum olub.
APA-nın “NTV”yə istinadən verdiyi məlumata görə, atəş açmış şəxsin kimliyini açıqlanmasa da, onun 3 uşaq atası olduğu və son vaxtlar ailəsindən ayrı yaşadığı məlum olub.
İstintaq müəyyən edib ki, qatil öncə 58 yaşlı qayınatasını, 87 yaşlı qayınanasını və 32 yaşlı qayınını güllələyib. Sonra o qonşuluqda yaşayan 46 yaşlı kişini öldürüb. Yalnız bundan sonra həmin şəxs özünə qəsd edib.
***
İsveçrənin şimalında yerləşən Arqau kantonunun ərazisində baş verən atışma zamanı bir neçə nəfər həlak olub.
APA-nın RİA “Novosti”yə istinadən verdiyi xəbərə görə, insident ötən gecə baş verib. Sakinlər evlərdən birində atışma səsləri eşidib və əraziyə polis çağırılıb.
“Bir neçə nəfər evin içində, bir neçəsi isə çöldə idi. Xilasedicilər bir neçə nəfərin ölüm faktını qeydə alıblar”, – deyə sakinlərin polisə verdiyi izahatında qeyd olunub.
Ölənlər arasında uşaq yoxdur.
İnsidentin motivi məlum deyil. Faktla bağlı araşdırma aparılır.
Son şərhlər