Erməni qatilin oğlu: “Atam əmr yerinə yetirən bir zombi qatil idi, qatil necə qəhrəman ola bilər”
1921-ci il martın 15-də Berlində Tələt Paşanı öldürən erməni Soğomon Taleryanın San-Fransiskoda yaşayan oğlu Almaniyanın “Süddeutsche Zeitung” nəşrinə müsahibə verib.
İslaminsesi.org-un Almaniya mətbuatına istinadən verdiyi xəbərə görə, təhlükəsizlik məqsədi ilə adı açıqlanmayan oğul Taleryan atası barədə sərt danışıb.
Bu gün 86 yaşında olan oğul Taleryan, Tələt Paşanı öldürdüyü üçün həbs olunan atasının məhkəmədə həqiqəti demədiyini bildirib.
“Mənim atam məhkəmədə yalan söylədi” – deyən oğul Taleryan, onun bacısı olmadığı halda hakimə üç qızın yeganə qardaşı olması ilə bağlı doğru ifadə vermədiyini qeyd edib.
Atasının müharibədən əvvəl, bir çox erməni kimi pul qazanmaq məqsədilə Serbiyaya getdiyini bildirən oğul Taleryan, onun üç bacısı deyil, üç qardaşı olduğunu deyib:“Atam erməni xalqının bir uydurmasıdır. Onun məhkəmədə yalan söylədiyini dəqiq bilirəm. Ancaq ermənilərin onu bu gün də qəhrəman olaraq görməsini anlamıram. Bir qatil necə qəhrəman ola bilər, onu başa düşə bilmirəm.”
Atasının 1921-ci ildən sonra milliyyətçi fikirlərdən imtina etdiyini dilə gətirən oğul Taleryan onun haqqında ilginc faktlar açıqlayıb: “O, milliyətçi fikirləri çirkli bir corab kimi çıxarıb bir kənara qoydu. Atam böyük Ermənistan yerinə Kaliforniyada almaq istədiyi bir villanın xəyalını qururdu. Bizimlə, ailəsiylə daha çox məşğul olurdu. Onu buna görə sevirdim.
1960-ci il mayın 23-də atam dünyasını dəyişdi. Erməni höküməti 1915-ci il hadisələrinin 100 illiyi münasibətiylə atamın cənazəsinin qalıqlarını Ermənistana aparılmasının əleyhinə çıxdım”.
1919-cu ildə atasının Tələt Paşanı öldürdüyünü xatırladan oğul Taleryan daha sonra bunları deyib: “Atam təbiətcə sakit bir insan idi. Eyni zamanda sanki əmr yerinə yetirən zombi bir qatildi. İstanbuldakı bu cinayəti mən ABŞ-da olarkən öyrəndim. Atam o barədə heç danışmamışdı”.
Aynur Nur
Son şərhlər