Ötən gün Gəncə Apellyasiya Məhkəməsində araşçdırmaçı jurnalist Ərşad İbrahimlinin apellyasiya şikayətinə baxış keçirilib.Ərşadın qardaşı Taryel İbrahimovun Moderator.az-a verdiyi məlumata görə prosesdə Kəlbəcər Təhsil Şöbəsinin keçmiş müdiri Məhəımməd Bağırov da iştirak edib. Onu Bakı İstintaq Təcridxanasından 3 gün öncə “konvoy”la Gəncəyə “etap” ediblər. İddialara görə korrupsiya cinayətlərində və külli miqdarda dövlət vəsaitlərini talama maddəsiylə ittiham olunan keçmiş şöbə müdiri prosesdə özünü təqsirləndirilən şəxs kimi deyil, azadlıqda olan hökmlü bir məmur kimi aparıb və ona məhkəmədə göstərilən səxavət hesabına mobil telefondan və qəribə də olsa bığ darağından (!) istifadə edib. Taryel İbrahimovun dediyinə görə, məhkəmənin və onu müşayət edən “konvoy”un Məhəmməd Bağırova qarşı sözlə ifadə edilməyəcək sıcaq davranışlarından hiddətlənsələr də nəinki kimsə onların etirazına məhəl qoymayıb, üstəlik, müdafiə tərəfinin qaldırdığı bütün vəstatətlər rədd edilib. Prosesin tamamilə qərəzli və sifarişlə aparılmasına etiraz əlaməti olaraq Taryel İbrahimovun ailə üzvləri və yaxın qohumları aprelin 20-də Bakıya gələrək Prezident Administrasiyası qarşısında etiraz aksiyası keçirəcəklərini, ABŞ səfirliyinə müraciət edərək Ermənistanın işğalında olan Kəlbəcərdəki yurd-yuvalarına dönmələrinə şərait yaradılmasını xahiş edəcəklərini bildiriblər. Onlar dəfələrlə məhkəmənin qərəzli aparılması və qondarma ittihamlarla ağır cəzaya məhkum edilməsi barədə prezident İlham Əliyevə və baş prokuror Zakir Qaralova etdikləri müraciətlərə əhəmiyyət verilməməsinə başqa etiraz forması tapa bilmədiklıərini vurğulayıblar…
Qeyd edək ki, Ərşad İbrahimli ötən ilin iyulunda hədə-qorxu ilə əmlak tələb etmə maddəsiylə ittiham olunaraq Gəncə Ağır Cinayətlər Məhkəməsi tərəfindən 11 il azadlıqdan məhrum edilib.
Cəzanın baiskarı qismində çıxış edən Kəlbəcər rayon Təhsil Şöbəsinin keçmiş müdiri Məhəmməd Bağırov da bir müddət sonra çoxsaylı maddələrlə cinayət məsuliyyətinə cəlb edilərək həbs edilib. M. Bağırov iddia etmişdi ki, Ərşad İbrahimli ondan ifşa edici videonu yaymamaq müqabilində 32 min manat pul tələb edib. Keçmiş şöbə müdirinin tələbi məhkəmə prosesində təsdiqini tapmasa da hakim Ərşadı törətmədiyi cinayətə görə ən ağır cəzaya məhkum etmişdi. Halbuki həmin hökmdən bir il öncə bu iş üzrə cinayət işi başlanılması rədd edilsə də sonradan M. Bağırov havadarlarının dəstəyi ilə onun bir azyaşlı qız uşağının başına oyun açması ilə bağlı zərərçəkmişin videomüraciətini yaymasını əsas gətirərək jurnalistə ağır cəza verilməsinə nail oldu.
Son şərhlər