Dünya Bankı Ermənistan üçün neqativ iqtisadi inkişaf vəd edir. Musavat.com-un erməni qaynaqlarına istinadən verdiyi xəbərə görə, bu barədə qurumun İrəvan filialının rəhbəri Lora Beyli bildirib.
“Rublun kursunun düşməsi, həmçinin Ukraynaya mal ixracının və pul köçürmələrinin azalması nəticəsində Ermənistan iqtisadiyyatı ayaqaltı edilib. Ermənistanda iqtisadi inkişaf çox aşağı, mümkündür ki, müsbət tendensiya ilə 0, 8% olsun. Ancaq nə olur-olsun, bu müsbət tendensiya neqativə çevrilə bilər, əgər iqtisadiyyat ciddi xarici təlatümlərə məruz qalacaqsa”, – deyə Beyli vurğulayıb.
Onun fikrincə, buna Ermənistanın tərəfdaş ölkələri, xüsusən də Rusiya səbəb olacaq.
