Astanada Qazaxıstan və Belarus liderləri ilə görüşən Rusiya prezidenti Vladimir Putin Avrasiya İttifaqı üçün vahid valyuta yaratmağı təklif edib.ANS PRESS-in məlumatına görə, Vladimir Putin deyib: “Düşünürəm ki, perspektivdə valyuta ittifaqının yaradılması imkanlarından danışmağın vaxtı çatıb”. Beləliklə, Avrasiya İttifaqına daxil olan ölkələr yaxın zamanlırda maliyyə müstəqilliyindən imtina etməli olacaqlar. Eyni zamanda, bu ölkələrin silahlı qüvvələri də vahid kordinasiya mərkəzindən idarə olunur.
Rusiya lideri əvvəlcə Qazaxıstan prezidenti Nursultan Nazarbayevlə görüşüb. Daha sonra görüşə Belarus lideri Aleksandr Lukaşenko qatılıb.
Ermənistan Avrasiya İttifaqının üzvü olsa da Vladimir Putin Serc Sarkisyanı görüşə dəvət etməyi məsləhət görməyib. Erməni politoloqlar bunu Ermənistana böyük təhqir kimi dəyərləndirirlər. Onların fikrincə, Moskva İrəvanı Abxaziya kimi tanınmamış ölkələrlə eyni səviyyədə görür.
Son şərhlər