Misirin baş məhkəməsi Səhv xəbər yaymaqda təqsirli bilinın Əl-Cəzair telekanalının üç əməkdaşının işinə yenidən 
baxacaq.
baxacaq.ANS PRESS-in məlumatına görə, qərar Qahirədə, Peter Greste, Məhəmməd Fəhmi və Bahir Məhəmmədin hökmə qarşı apelyasiya şikayətindən sonra verilib.
Jurnalistlər onlara qarşı irəli sürülən ittihamları rədd edirlər. İttihamlardan biri, fəaliyyətinə qadağa qoyulan “Müsəlman Qardaşları” ilə əməkdaşlıq etməkdir. Jurnalistlər adıçəkilən təşkilatla heç bir əlaqələrinin olmadığını, sadəcə xəbərləri yaydıqlarını bildiriblər.
Məhkumların vəkilləri mediaya açıqlamalarında bildiriblər ki, prokurorluq hökmün problemli olduğunu etiraf edib. Yeni məhkəmə prosesi bir ay ərzində başlayacaq, lakin onlar bu müddət ərzində həbsdə qalmalıdır.
Əl-Cəzair hakimiyyəti Misir dövlətini jurnalistlərini tezliklə azadlığa buraxmağa çağırıb.
Jurnalistlərdən ikisi xarici vətəndaşlardır. Keçmiş BBC müxbiri Peter Greste avstraliyalıdır, onun prodüseri Məhəmməd Fəhmi isə Misir və Kanada vətəndaşıdır.
2013-cü ilin dekabr ayında həbs olunan jurnalistlər artıq bir ildən çoxdur ki, həbsdədirlər. İyun ayında verilən məhkəmə qərarına görə Fəhmi və Greste 7, Məhəmməd isə 10 illik həbs cəzası alıb.
Son şərhlər