Müəmma ilə dolu uçuşun sirləri gizli qaldı
Rusiya yük təyyarəsi “Ан-124-100” Niqeriya hakim dairələri tərəfindən saxlanılıb. Təyyarədə aparılan axtarış zamanı 18 nəfər rusiyalı üzə çıxıb. Bu barədə Qərbin əksər media orqanları xəbər yayıb. Rusiyanın “TASS” agentliyi də bu hadisəyə diqqətdə saxlayıb. Rusiyanın Niqeriyadakı səfirliyinin mətbuat katibi Artem Romanov Rusiya agentliyinə bildirib ki, təyyarədə üzə çıxan 18 rusiyalıdan başqa, silah da aşkar edilib. Hava gəmisinin yükü isə Çadda fəaliyyət göstərən Fransa sülhməramlılarına aiddir. Ancaq bazar günü “Nigerian Tribune” qəzeti bəyan edib ki, böyük ehtimalla Rusiya yük təyyarəsində olan silahlar “Boko Haram” terrorçu qrupu üçün nəzərdə tutulub. Bə terror təşkilatı isə Nigeriyada ən ağlasığmaz cinayətlərə imza atıb.
“Sahara Reporters” qəzeti isə yük təyyarəsinin içində çəkilmiş fotolar yayımlayıb. Yük təyyarəsində helikopterlə yanaşı zirehli olduğu ehtimal edilən çətin yollar üçün nəzərdə tutulmuş avtomobillər də var. Xüsusi taxta qutularda qablaşdırılmış silahlar da aydın görünür.
“Nigerian Tribune” təyyarənin nomrəsini də qeydə alıb: RA-82038. “russianplanes.net” saytı isə müəyyən edib ki, sözügedən yük təyyarəsi 1989-cu ildə istehsal olunub. Digər mənbələr isə bildirir ki, bu təyyarə Rusiya hərbi hava qüvvələrinə məxsusdur.
Maraqlıdır ki, Nigeriyadakı Rusiya səfirliyi 1 gün ərzində bu yük təyyarəsi ilə bağlı verdiyi bəyanatlarda bir neçə dəfə düzəliş etməli olub.
İlk vaxt Rusiya səfirli yük təyyarəsinin Rusiyaya məxsus olmadığını bildirib. Sonra bildirildi ki, təyyarədə 5-7 adam var. Bir müddət keçdi və Artyom Romanov deyib ki, təyyarədə 20 adam var: “18 rusiyalı və 2 fransız. Üstəlik, vurğulanıb ki, bu insanları təyyarənin ekipajıdır. Ancaq normalda bu tip təyyarələrin ekipajı 6 nəfərdən ibarət olur. Digər məlumatlara görə, yük təyyarəsində üzə çıxam rusiyalılar həbs olunmayıb. Onlar Kanodakı hava limanında sərbəst gəzirlər”.
Yerli Rusiya səfirliyi bildirib ki, yük təyyarəsini farnsızlar kirayəyə göstürüb. “Reuters” bildirib ki, təyyarə Mərkəzi Afrika Respublikasından Çadın Ncamena hava limanına uçub. Ancaq uçduqları hava limanı qapalı olduğundan, təyyarə Nigeriyada yerə enməli olub.
Təyyarədə yuxarıda sadalananlarla yanaşı “Kalaşnikov” avtomatları və güləkeçirməyən canlıqlar da olub. Dekabrın 7-də yerli hakimiyyət orqanları yük təyyarəsini uçuşu davam etdirməyə icazə verib. Bu barədə Fransanın Nigeriyadakı səfiri Şampen Labrioll məlumat yayıb. Maraqlıdır ki, Fransa səfiri bəyan edib ki, yük təyyarəsində silah və sursat yoxdur. Halbuki yerli qəzetlər təyyarənin içindən çəkilmiş fotoları yayıblar. Həmin fotolarda isə silah və sursat aydın görünür.
Son şərhlər