valyuta bazarında 1,5 mlrd. dollar həcmində xarici valyuta əldə etmək niyyətindədir.
“APA-Economics”in xəbərinə görə, bunu jurnalistlərə açıqlamasında AMB-nin İdarə Heyətinin sədr müavini Aftandil Babayev deyib.
Onun sözlərinə görə, bu ilin sonunadək AMB bazara müdaxilə edə və 500 mln. dollar həcmində xarici valyuta əldə edə bilər. AMB-nin valyuta ehtiyatları bu ilin sonuna 15,5-15,7 mlrd. dollar səviyyəsində olacağı proqnozlaşdırılır.
Onun fikrincə, gələn il intervensiya proqnozu nəzərə alınmaqla, 2016-cı ildə AMB-nin valyuta ehtiyatları minimum 17 mlrd. dollar təşkil edə bilər.
AMB valyuta bazarından 2010-cu ildə 1 385 mln. dollar, 2011-ci ildə 4 153 mln. dollar, 2012-ci ildə 1 584 mln. dollar, 2013-cü ildə 2 457 mln. dollar, 2014-cü ilin 6 ayında isə 967,4 mln. dollar məbləğində alışlar həyata keçirərək valyuta ehtiyatlarının artırılmasına yönəldib. Təkcə 2014-cü ilin I yarısında AMB-nin sərəncamında olan valyuta ehtiyatları 7% artaraq 15163 mln. dollar səviyyəsinə yüksəlib ki, bu da valyuta ehtiyatlarının kifayətliliyi üzrə beynəlxalq normaları əhəmiyyətli dərəcədə üstələyir.
Son şərhlər