“Xəzər Lənkəran” Azərbaycan kubokunun 1/4 finalına yüksəlib. Apasport.az saytının məlumatına görə, buna səbəb “Araz Naxçıvan”ın fəaliyyətini dayandırmasının rəsmiləşməsidi.
Ölkə kubokunun 1/8 finalında dağılmış klubla qarşılaşmalı olan cənublular birbaşa 1/4 finala yüksəliblər. Bundan əvvəlki mərhələdən də azad olan “Xəzər Lənkəran” kubokda mövsümə elə 8 ən güclü arasında başlayacaq.
Bu isə klubun ənənəsinin davamıdı. Belə ki, 2004-cü ildə yaranan Lənkəran təmsilçisi çıxış etdiyi 10 yarışın hamısında 1/4 finalçılar arasında olub. Həmişəki kimi yenə bunu bacaran “Xəzər Lənkəran” 1/8 finalın “Şahdağ” – “İnter” matçının qalibini gözləyir.
Qeyd edək ki, bunadək 10 dəfə 1/4, 8 dəfə 1/2, 5 dəfə finalda oynayan komanda 3 dəfə kuboka sahib olub.
Son şərhlər