Deputat Qüdrət Həsənquliyev 2015-ci il dövlət büdcəsi layihəsinin müzakirələri zamanı sensasion təkliflə çıxış edib.

Echi.az saytı “Trend”in rus redaksiyasına istinadən bildirir ki, Q.Həsənquliyev ölkədəki bütün dövlət universitetlərini özəlləşdirməyi təklif edib.

Deputat hesab edir ki, dünyada ən aparıcı universitetlərin reytinq cədvəlinə baxanda məhz özəl ali məktəblərin siyahının ön pillələrində olduğunu görmək olar.

“Deməli, dövlət ali məktəblərini özəlləşdirmək lazımdır. Təhsil kreditləri vermək lazımdır ki, aztəminatlı ailələrin də uşaqları ali təhsil ala bilsinlər. Universitetlər isə dövlət büdcəsindən maliyyələşməməlidir. Əksinə, onlar büdcəyə vergi ödəməlidirlər” – deyə Q.Həsənquliyev bildirib.