Rusiyada iqtisadi vəziyyətin pisləşməsi Ermənistana da təsir edir.
Ermənistanın Mərkəzi Bankı Rusiyadan Ermənistana fiziki şəxslər adına köçürülən pulların kəskin azaldığını bildirib. Mərkəzi Bankın son hesabatı avqust ayına aiddir. Həmin ayda 1 il əvvəllə müqayisədə Rusiyada işləyən ermənilərin Ermənistana köçürdükləri pul 9 faiz azalıb.
2013-cü ilin avqustunda 184 milyon dollar pul köçürülmüşdüsə, bu ilin avqustunda 167 milyon dollar köçürülüb.
Ermənistan iqtisadiyyatı xaricdən köçürülən pullardan çox asılıdır. 2013-cü ildə Ermənistanın bütün ixracı 1,4 milyard dollar olub, xaricdən köçürülən pullar isə 1,8 milyard dollar.
Beynəlxalq Valyuta Fondunun Ermənistandakı nümayəndəsi Mark Horton deyib ki, Ermənistan iqtisadiyyatını çətin dövr gözləyir. /Azadlıq radiosu/
Son şərhlər