Avropa Komissiyasının mətbuat xidmətinin rəhbəri Paula Pinyo jurnalistlərin Rusiyaya qarşı 20-ci sanksiyalar paketinin nə vaxt qəbul ediləcəyi və Avropa İttifaqının onu daha əvvəl Avropa Komissiyası tərəfindən elan edildiyi kimi 24 fevrala qədər qəbul edib-etməyəcəyi ilə bağlı suallarına cavab verə bilməyib.
Elchi.az xəbər verir ki, bu barədə Pinyo Avropa Komissiyasının yeni sanksiyalar paketinin təqdim edilməsindəki çoxsaylı gecikmələrin səbəbi ilə bağlı suala cavabında bildirib.
“Biz 20-ci məhdudlaşdırıcı tədbirlər paketi üzərində intensiv işləyirik. Artıq bildirmişik ki, o, yaxın vaxtlarda hazır olmalıdır, buna görə də bunu nisbətən tez gözləmək olar”, – deyib.
Avropa Komissiyası və Aİ Şurasının yeni sanksiyalar paketini dəfələrlə vəd edildiyi kimi 24 fevrala qədər qüvvəyə mindirib-mindirməyəcəyi sualına isə Pinyo belə cavab verib:
“Gəlin onun təsdiqi üçün bütün şərtlər formalaşana qədər gözləyək”.
Avropa Komissiyası 20-ci sanksiyalar paketini Aİ ölkələrinə hələ yanvarın ortalarında təqdim etməyi planlaşdırırdı, lakin bu, hələ də baş verməyib.
Məryəm
