ABŞ bir daha İrandakı vətəndaşlarını davam edən təhlükəsizlik risklərini əsas gətirərək “ölkəni dərhal tərk etməyə” çağırıb.
Elchi.az xəbər verir ki, ABŞ-ın Tehrandakı Virtual Səfirliyi tərəfindən verilən təhlükəsizlik xəbərdarlığında ABŞ vətəndaşlarından “Vaşinqton administrasiyasının köməyinə ehtiyac olmadan İranı tərk etmək üçün plan hazırlamaları” istənilib.
Bəyanatda İranda təhlükəsizlik tədbirlərinin artırıldığı, yolların bağlandığı, ictimai nəqliyyatın pozulduğu və internetə çıxışın hələ də bloklandığı qeyd edilib.
Bəyanatda həmçinin İran hökumətinin mobil, stasionar və milli internet şəbəkələrinə girişi məhdudlaşdırmağa davam etdiyi və aviaşirkətlərin də İrana və İrandan uçuşları məhdudlaşdırdığı və ya ləğv etdiyi qeyd edilib. Bəyanatda deyilir: “İranı dərhal tərk edin. ABŞ hökumətinin köməyindən asılı olmayan İranı tərk etmək üçün plan hazırlayın.”
Bəyanatda vurğulanıb ki, ABŞ vətəndaşları İranı tərk edə bilmirlərsə, yaşayış yerlərində sığınacaq yeri və ya təhlükəsiz bina təyin etməli və onlara kifayət qədər qida, su, dərman və əsas ehtiyaclar üçün ehtiyat toplamaları tövsiyə edilib.
Həmçinin, ABŞ vətəndaşlarının alternativ rabitə vasitələri planlaşdırması və təhlükəsiz olduğu təqdirdə İrandan Türkiyəyə və ya Ermənistana quru yolu ilə səyahət etməsi təklif edildi.
Ağ Evin sözçüsü Karolin Livitt əvvəllər prezident Donald Trampın İranla bağlı diplomatiyanı ilk seçim hesab etdiyini, lakin diplomatiyadan başqa bir çox başqa variantların da olduğunu bildirmişdi.
13 yanvarda ABŞ da davam edən etirazlar və təhlükəsizlik risklərini əsas gətirərək İrandakı vətəndaşlarını “ölkəni dərhal tərk etməyə” çağırdı.
Şayəstə
