Cənubi Koreya süni intellektdən təhlükəsiz istifadəni tənzimləyən əhatəli qanun qəbul etməklə dünya presedenti yaratdı.
Elchi.az Yonhap-a istinadən xəbər verir ki, Cənubi Koreya Elm və İnformasiya Kommunikasiya Texnologiyaları Nazirliyi “Süni intellektdən istifadənin inkişafı və etibarlılığının təmin edilməsi haqqında əsas qanun” adlı tənzimləmə ilə bağlı açıqlama verib.
Bəyanatda bu gün qüvvəyə minən qanunun yanlış məlumatlara, dərin saxta məzmuna və süni intellektdən istifadənin digər zərərli təsirlərinə qarşı əhatəli tənzimləyici çərçivə yaratdığı qeyd edilib.
Bəyanatda qanunun şirkətlərə və inkişaf etdiricilərə süni intellektdən qaynaqlanan risklərə qarşı daha çox məsuliyyət qoyduğu və hökumətə süni intellekt tərəfindən istehsal edilən yanlış məzmun və dərin saxta məzmuna qarşı mübarizə aparmaq üçün cərimələr tətbiq etmək və araşdırmalara başlamaq səlahiyyətinin verildiyi qeyd edilib.
Bəyanatda istifadəçilərin gündəlik həyatına və təhlükəsizliyinə əhəmiyyətli dərəcədə təsir göstərə biləcək sahələrdə istifadə olunan sistemlərin “yüksək riskli süni intellekt” kimi təyin ediləcəyi, insanların süni intellekt məhsullarını başa düşməsi üçün su nişanlarının istifadəsinin məcburi olduğu və müəyyən standartlara cavab verən şirkətlərin ölkədə nümayəndəsinin olması tələb olunacağı qeyd edilib. Qanunun dünyada süni intellektin istifadəsi ilə bağlı ilk hərtərəfli hüquqi tənzimləmə olduğu vurğulandı.
Şayəstə
