Meksika prezidenti Klaudiya Şeynbaum ABŞ-ın blokadası altında olan Kubaya neft göndərməyə davam edəcəklərini bildirib.
Elchi.az xəbər verir ki, Milli Sarayda gündəlik mətbuat konfransında çıxış edən Şeynbaum ABŞ-ın blokadası altında olan və Venesueladan enerji daşınması dayandırılan Kubaya dəstəyini ifadə edib.
Şeynbaum bildirib ki, “Biz həmişə Kubaya neft və humanitar yardımla dəstək verməyə hazırıq. Əgər Meksika Kuba üçün daha yaxşı şəraitin yaradılmasına töhfə verə bilsə, biz həmişə orada olacağıq. Bu, çox çətin şəraitdə yaşayan Kuba xalqı ilə qurulmuş münasibətdir.”
Meksikanın xarici siyasətinin qardaşlıq prinsiplərinə əsaslandığını xatırladan Şeynbaum deyib: “Bu, xalqa qarşı deyil, çünki göndərilən miqdar həqiqətən çox azdır. İstehsal olunanın çox kiçik bir hissəsi göndərilir, lakin bu, həmrəylik məqsədi ilə dəstəkdir.”
Digər tərəfdən, Meksikadan təxminən 86.000 barel yanacaqla yüklənmiş tanker Kubanın paytaxtı Havana körfəzinə çatıb.
Şayəstə
