Alman əsilli rəssam fəaliyyətini Rus dram teatrında davam etdirəcək.
Alman əsilli rəssam Zinaida Mirzəzadə fəaliyyətini Azərbaycan Dövlət Rus Dram Teatrında davam etdirəcək. O, bu barədə Elchi.az – a açıqlamasında bildirib. Onun sözlərinə görə ilk qurluşcu rəssamı olduğu “Ключ от чемодана с кирпичами” tamaşanın premyerası baş tutub.
Azərbaycan Rəssamlar İttifaqının üzvü Zinaida Mirzəzadə eyni zamanda növbəti dəfə səhnəyə qoyulacaq tamaşaların hazırlıqlarına başladığını bildirib.
O, eyni zamanda qeyd edib:
“Uzun müddət Azərbaycan Rəssamlıq Akademiyasında müəllim kimi çalışmışam. Ora mənə böyük təcrübə qazandırdı. Lakin özümü digər sahələrdə də sınamaq istədim. Çox şükür ki, istədiyimə nail oldum.
Teatrda ilk dəfədir çalışıram. Çox həyəcanlı idim. Müəyyən çətinliklərlə qarşılaşdım. İlk olduğu üçün özümü buna hazırlamışdım. Hazırda Yeni tamaşalar üzərində çalışırıq, 2026-ci ildə tamaşaçıları bir birindən maraqlı tamaşalar gözləyir. Burdan sizin vasitəsinlə mənə göstərdiyi etimada görə, Azərbaycan Dövlət Akademik Rus Dram Teatrının direktoru, Əməkdar mədəniyyət işçisi Ədalət Hacıyevə və kollektiv heyətinə təşəkkürümü bildirirəm”.
Məlumat üçün bildirək ki, Ziaida Mirzəzadə Avstryada keçirilən üç nominasiya üzrə – rənkarlıq, rəsm və dekorativ tətbiqi sənəti beynəlxalq sərgilərdə birinci yerə layiq görülüb. O, vətənə Mədəniyyət Nazirliyi adına təşəkkürnamə, medal və diplomlarala geri dönüb.
