Türkiyənin xarici işlər naziri Hakan Fidan bildirib ki, kürd koalisiyası olan “Suriya Demokratik Qüvvələri”nin (SDF) mövqeyi vəziyyətin normallaşmasına mane olur və bu siyasətdən imtina etməlidir.
Elchi.az xəbər verir ki, o, Ankarada Omanlı həmkarı Bədr bin Həməd bin Hamud əl-Busaidi ilə görüşündən sonra keçirilən mətbuat konfransında çıxış edib.
“Türkiyə SDF ilə Dəməşq arasında bölgənin xüsusiyyətlərini nəzərə alan və Suriyada sabitliyi təmin edən bir razılaşmaya ümid edir. Digər tərəfdən, Hələbdə mülki şəxslərə qarşı hücumlar təəssüf ki, SDF-nin əsl niyyətləri ilə bağlı narahatlıqları təsdiqləyib və sülh səylərini sarsıdıb. Hazırkı vəziyyətdə SDF sülhə nail olmaq üçün ən böyük maneə olduğu və Suriyanın və bölgəmizin reallıqlarına zidd olduğu üçün barışmaz mövqeyindən imtina etməlidir. SDF terrorizmə və separatizmə son qoymalıdır”, – deyə Fidan bildirib.
Məryəm
