Çərşənbə axşamı, 6 yanvar tarixində Yaponiyanın qərbində baş verən 6,4 bal gücündə zəlzələ nəticəsində Yaponiyada ən azı doqquz nəfər xəsarət alıb.
Elchi.az xəbər verir ki, bu barədə “Kyodo” xəbər agentliyi məlumat yayıb.
Şimane, Tottori, Okayami və Xirosima prefekturalarının doqquz sakini müxtəlif dərəcəli xəsarətlər alıb. Onların həyatlarının təhlükədə olmadığı vurğulanır.
Yaponiyanın qərbində 6,4 bal gücündə zəlzələ baş verib, episentri Şimane və Tottori prefekturalarında, ocağı isə 10 km dərinlikdə yerləşib. Əvvəlcə 6,2 bal gücündə zəlzələ qeydə alınmışdı, lakin sonradan yapon seysmoloqları onu 6,4-ə endirdilər. Bölgədə yerləşən nüvə obyektlərində heç bir fövqəladə hal qeydə alınmayıb. Yapon seysmoloqları qarşıdakı həftə ərzində daha güclü təkanların baş vermə ehtimalı barədə xəbərdarlıq edir və yerli sakinləri ayıq-sayıq olmağa çağırırlar.
Məryəm
