İstanbul yaxınlığındakı Mərmərə dənizində iki neft tankeri qəza siqnalları göndərib.
Elchi.az “TRT Haber”ə istinadən xəbər verir ki, onlara kömək etmək üçün xilasetmə qayıqları göndərilib.
Onun sözlərinə görə, siqnallar Azərbaycan və Türkiyə bayrağı altında üzən gəmilərdən gəlib. Onlar Florya bölgəsində yerləşir.
Türkiyə Nəqliyyat Nazirliyi bildirib ki, 141 metrlik “Kəlbəcər” və 115 metrlik “Alatepe” tankerləri Küçükmece lövbər məntəqəsi yaxınlığında toqquşub. TRT Haber nazirliyə istinadən xəbər verir ki, hadisə yerinə təcili yardım dəstələri və bir yedək gəmisi göndərilib.
İstanbul hakimiyyəti daha əvvəl Mərmərə dənizində güclü külək səbəbindən fırtına xəbərdarlığı etmişdi.
Məryəm
