Ukrayna lideri Zelenski ABŞ prezidenti Trampla Ukrayna sülh planını müzakirə etmək üçün görüşüb. Görüşdən sonra verdiyi açıqlamada Tramp deyib: “Zelenski ilə hər şey barədə danışdıq, 90 faiz razılığa gəldik. Böyük potensial var”. O, əlavə edib ki, “Putinlə 2,5 saat telefonda danışdım” və “Bu gün çox fərqli bir Putin gördüm. O, müharibənin bitməsini istəyir”.
Elchi.az xəbər verir ki, ABŞ prezidenti Tramp və Ukrayna prezidenti Zelenski sülh danışıqları üçün Trampın Mar-a-Laqo malikanəsində görüşüblər.
Tramp üçtərəfli görüşə işarə etdi
ABŞ Prezidenti Donald Tramp Zelenski ilə görüşündən sonra mətbuata verdiyi açıqlamada dedi:
“Əgər Ukraynaya getmək müharibənin bitməsinə kömək edəcəksə, bunda heç bir problem görmürəm. Ukraynalıların 91%-i bu müharibənin bitməsini istəyir. Rusiya onun bitməsini istəyir. Hamı onun bitməsini istəyir.
Rusiya Ukraynanın uğur qazanmasını istəyir. Bu, bir az qəribə səslənir, amma Putin çox səxavətlidir.
Bu gün çox maraqlı bir Putin gördüm, o, sülhün baş verməsini istəyir. O, mənə bunu çox güclü şəkildə dedi. Mən ona inanıram.
Üçtərəfli görüş doğru zamanda baş tuta bilər.”
“90% razılıq əldə edildi”
Ukrayna Prezidenti Volodimir Zelenski bildirdi ki, “20 maddəlik sülh planı üzrə 90% razılıq əldə edilib. ABŞ və Ukrayna təhlükəsizlik zəmanətləri üzrə 100% razılığa gəliblər.”
Şayəstə
