Hindistanın şimalındakı Uttar Pradeş ştatında səkkiz avtobus və 12 avtomobilin toqquşması nəticəsində ölənlərin sayı 15-ə çatıb. Daha 48 nəfər yaralanıb.
Elchi.az xəbər verir ki, “Xinhua” agentliyinin polisə istinadən verdiyi məlumata görə, daha 48 nəfər yaralanıb.
Daha əvvəl 4 nəfərin öldüyü, 25 nəfərin yaralandığı bildirilmişdi.
Qəza dekabrın 16-sı səhər saatlarında Dehli-Aqra ekspress yolunda baş verib. Qalın duman səbəbindən səkkiz sərnişin avtobusu və daha 12 nəqliyyat vasitəsi toqquşub. Toqquşma nəticəsində avtobuslar tamamilə yanıb.
Hadisə yerinə təcili yardım maşınları və 11 yanğınsöndürən briqadası göndərilib. Zərərçəkənlər xəstəxanaya yerləşdirilib, həkimlərin sözlərinə görə, onların həyatı təhlükədə deyil.
Uttar Pradeş Baş naziri Yogi Adityanath qurbanların ailələrinə başsağlığı verib.
Məryəm
