Tokioda yerləşən Kyodo News xəbər agentliyi, Amerikanın süni intellekt şirkəti Perplexity AI-yə qarşı məzmununu icazəsiz əldə etdiyi iddiası ilə məhkəməyə müraciət edib.
Elchi.az xəbər verir ki, Yaponiya xəbər agentliyi Kyodo News, ABŞ-da yerləşən süni intellekt startapı Perplexity AI-yə qarşı “müəllif hüquqlarının pozulması” ittihamı ilə məhkəməyə müraciət edib.
Tokioda yerləşən agentlik Perplexity AI-yə göndərdiyi məktubda müxtəlif qəzet və agentliklərdən xəbər reportajlarını özündə əks etdirən “47 News” veb saytındakı məzmunun icazəsiz götürüldüyünü və süni intellektlə işləyən axtarış sistemində istifadəçi cavabları yaratmaq üçün istifadə edildiyini iddia edib.
Agentlik, Perplexity AI-nin 2024-cü ilin avqust ayından bəri xəbər saytına yüz minlərlə dəfə daxil olduğunu göstərən qeydlər aşkar etdiklərini və bunun “açıq-aşkar müəllif hüquqlarının pozulması” olduğunu iddia etdiklərini bildirib.
Agentlik, Perplexity AI-nin Kyodo News-a istinadən “qeyri-dəqiq məlumatlar ehtiva edən məzmun istehsal etdiyini” və bununla da təşkilatın “etibarlılığına və brend dəyərinə zərər verdiyini” bildirib. Agentlik Perplexity AI-dən bu pozuntuları dərhal dayandırmasını, icazəsiz istifadə nəticəsində dəyən ziyanı ödəməsini və məzmunun toplanma üsulu ilə bağlı açıqlama verməsini tələb etdi. Tələbləri yerinə yetirilmədiyi təqdirdə məhkəmə prosesi başlatacaqlarını elan edib.
Şayəstə
