Şri-Lankada şiddətli yağışların səbəb olduğu torpaq sürüşməsi və daşqınlarında 47 nəfər həlak olub.
Elchi.az xəbər verir ki, “Daily Mirror” qəzetinin məlumatına görə, Şri-Lanka Fəlakətlərin İdarə Edilməsi Mərkəzi ötən həftədən bəri ölkədə davam edən şiddətli yağışların səbəb olduğu ölümləri təsdiqləyən bir açıqlama yayıb.
Bəyanatda əlavə edilib ki, fəlakətlərdə 47 nəfər ölüb, 21 nəfər itkin düşüb, çoxsaylı evlər, əkin sahələri və yollar su altında qalıb.
Hesabata görə, ölkə üzrə fəlakətlərdən 5893 nəfər zərər çəkib.
Səlahiyyətlilər bildiriblər ki, dağlıq bölgələrdə bəzi qatar xidmətləri daşların, palçığın və ağacların relslərə düşməsi səbəbindən dayandırılıb, bəzi xətlər isə daşqınlar səbəbindən su altında qalıb.
Şayəstə
