Google-un ana şirkəti olan Alphabet-in baş direktoru Sundar Pichai, süni intellekt alətləri tərəfindən təqdim edilən bütün məlumatlara “kor-koranə etibar edilməməli” olduğunu söylədi.
Elchi.az xəbər verir ki, Pichai mövcud süni intellekt modellərinin “səhv etməyə meylli” olduğunu bildirdi və istifadəçilərin bu alətləri digər mənbələrlə birlikdə qiymətləndirməli olduqlarını vurğuladı.
Pichai, informasiya ekosisteminin zənginliyinin vacibliyini vurğulayaraq dedi: “Buna görə də insanlar Google axtarışından da istifadə edirlər. Dəqiq məlumat verməyə yönəlmiş müxtəlif məhsullarımız var.”
Pichai, süni intellektin yaradıcı kopiraytinq kimi sahələrdə faydalı olduğunu, lakin istifadəçilərin “bu alətlərdən düzgün məqsədlər üçün istifadə etməyi öyrənməli və onların dediklərinə tamamilə etibar etməməli” olduğunu bildirdi.
“Ən dəqiq məlumatı təmin etmək üçün çox çalışırıq, lakin mövcud süni intellekt texnologiyası səhv etməyə meyllidir”, – dedi.
Yeni Dövr
Texnologiya dünyası Google-ın istehlakçıya yönəlmiş süni intellekt modelinin Gemini 3.0-ın satışa çıxarılmasını gözləyir. Model ChatGPT-yə qarşı bazar payını geri almağa başlayıb. May ayından etibarən Google axtarış sisteminə “Süni intellekt rejimi” adlı yeni süni intellekt söhbət xüsusiyyətini inteqrasiya etdi.
Piçai bu addımı “Süni intellekt platformasında yeni bir dövr” adlandırdı. Şirkət axtarış sistemindəki dominantlığını ChatGPT kimi rəqib süni intellekt xidmətlərinə qarşı qorumağı hədəfləyir.
BBC-nin araşdırmasına görə, ChatGPT, Copilot, Gemini və Perplexity kimi çatbotlar xəbərləri ümumiləşdirərkən “ciddi səhvlərə” yol verirlər. BBC məzmununun sınaqları bu vasitələrin cavablarının dəqiqliyi ilə bağlı ciddi problemləri aşkar etdi.
Şayəstə
